ЛОМБАРДАНД /БАРЬЦААЛАН ЗЭЭЛДҮҮЛЭХ ГАЗАР/ БАРЬЦААЛСАН ЭД ЗҮЙЛ ХУЛГАЙД АЛДАГДВАЛ ЛОМБАРД ХАРИУЦЛАГА ХҮЛЭЭНЭ

ЛОМБАРДАНД /БАРЬЦААЛАН ЗЭЭЛДҮҮЛЭХ ГАЗАР/ БАРЬЦААЛСАН ЭД ЗҮЙЛ

ХУЛГАЙД АЛДАГДВАЛ ЛОМБАРД ХАРИУЦЛАГА ХҮЛЭЭНЭ

Шийдвэрийн огноо, дугаар: 2023.06.15-ны өдрийн №137/ШШ2023/000190

Шийдвэрийн төлөв: Хүчин төгөлдөр болсон.

Тойм: 2023.09.08, № 9

Нэхэмжлэгч А нь барьцаалан зээлдүүлэх газар буюу “ Б “ ломбардтай зээлийн гэрээ байгуулан 2 ширхэг алтан бөгж барьцаалж, 700,000 төгрөгийг нэг сарын хугацаатай зээлэн авчээ.

Зээлийн гэрээний хугацаанд “ Б “ ломбарданы эд зүйлүүд хулгайд алдагдсаны улмаас  нэхэмжлэгч А нь барьцаалсан алтан бөгжөө авах боломжгүй болсноор алтан бөгжний үнэ 1,090,000 төгрөг гаргуулахаар шүүхэд нэхэмжлэл гаргасан байна.

Барьцаалан зээлдүүлэх газар буюу “ Б “ ломбард  тухайн эд зүйл хулгайд алдагдсан тул цагдаагийн газар шалгаж байгаа, эрүүгийн журмаар шийдвэрлэнэ гэж маргасан.

Шүүх хэргийг шүүх хуралдаанаар хянан хэлэлцэж, хэрэгт цугларсан нотлох баримтын хүрээнд нэхэмжлэгч А, хариуцагч “ Б “ ломбард нарын хооронд Иргэний хуульд заасан зээлийн гэрээ байгуулагдсан байна, талууд хэн аль нь гэрээний үүргийг биелүүлэх үүрэгтэй гэж дүгнэсэн.

Өөрөөр хэлбэл нэхэмжлэгч А нь ломбарднаас зээлсэн мөнгийг тохирсон хугацаанд нь өгөх, хариуцагч  “ Б “ ломбард нь барьцаанд авсан эд зүйлийн бүрэн бүтэн байдлыг хамгаалж, зээлийн төлбөр дуусахад өмчлөгчид буцаан өгөх үүргийг тус, тус хүлээх юм.

Гэтэл “ Б “ ломбард нь барьцаалсан эд зүйлийн бүрэн бүтэн байдлыг хамгаалах үүргээ биелүүлээгүйн улмаас зээлдэгч А-д хохирол учирсан нь цагдаагийн байгууллага тухайн асуудлыг шалгаж байгаатай хамааралгүй байна.

Иймд шүүх “ Б “ ломбард буюу барьцаалан зээлдүүлэх газраас алтан бөгжний үнийг гаргуулж, нэхэмжлэгч А-д олгохоор шийдвэрлэсэн байна.

Шүүхийн шийдвэрийг бүтнээр нь харах холбоос: https://shuukh.mn/single_case/127357?daterange=2023-01-01%20-%202023-11-12&id=1&court_cat=1&bb=1

Санамж: Энэхүү тойм нь шүүхийн шийдвэрийг орлохгүй бөгөөд  олон нийтийг мэдээллээр хангах зорилготой болно.”

Тойм бэлтгэсэн: Дорноговь аймгийн Замын-Үүд сум дахь сум дундын шүүхийн Ерөнхий шүүгч А.Цэрэнханд

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Шийдвэрийг бүтнээр харах цахим холбоос: ЛОМБАРДНЫ /БАРЬЦААЛАН ЗЭЭЛДҮҮЛЭХ ГАЗАР/ БАРЬЦААЛСАН ЭД ЗҮЙЛ ХУЛГАЙД АЛДАГДВАЛ ЛОМБАРД ХАРИУЦЛАГА ХҮЛЭЭНЭ