УЛСЫН ХИЛЭЭР ХУУЛЬ БУСААР ХОРИГЛОСОН БАРАА НЭВТРҮҮЛСЭН ХҮНД ЭРҮҮГИЙН ХАРИУЦЛАГА ХҮЛЭЭЛГЭВ

УЛСЫН ХИЛЭЭР ХУУЛЬ БУСААР ХОРИГЛОСОН БАРАА

НЭВТРҮҮЛСЭН ХҮНД ЭРҮҮГИЙН ХАРИУЦЛАГА ХҮЛЭЭЛГЭВ

Шийтгэх тогтоолын огноо, дугаар: 2023.08.07-ны өдрийн 2023/ШЦТ/74

Шийдвэрийн төлөв: Хүчин төгөлдөр болоогүй.

Тойм: 2023.08.09, шийдвэр №4  

Прокуророос шүүгдэгч Н-ийг Монгол Улсын хилээр 0.006-0,032 мм зузаантай, 491 шуудай, 17,300 килограмм жинтэй 7 төрлийн нэг удаагийн нийлэг хальсан уутыг хууль бусаар нэвтрүүлсэн гэмт хэрэг үйлдсэн гэм буруутай эсэхийг шийдвэрлүүлэхээр шүүхэд шилжүүлжээ.

 Монгол Улсын Засгийн газрын 2018 оны 189 дугаартай тогтоолоор “Бүх төрлийн 0,035 мм болон түүнээс нимгэн, нэг удаагийн хальсан уутыг худалдаа, үйлчилгээ, сав, баглаа боодлын зориулалтаар импортлох,үйлдвэрлэх, хэрэглэхийг 2019 оны 3 сарын 1-ний өдрөөс эхлэн хориглосон байна.

Дээрх Засгийн газрын тогтоолоос үзэхэд шүүгдэгч Н-ийн улсын хилээр нэвтрүүлсэн бараа болох нийлэг уут нь Монгол Улсад импортлохыг хориглосон байх тул түүний үйлдлийг хууль бус гэж үзсэн.

Хуульд зааснаар хууль бус үйлдэл нь зөрчлийн хэргийн, эсхүл эрүүгийн хэргийн шинжтэй байх бөгөөд шүүгдэгч Н-ийн үйлдэл нь эрүүгийн хэргийн шинжийг хангасан тул  Н-ийг  Монгол Улсын Засгийн газрын 2018 оны 189 дугаартай тогтоолоор баталсан 0,035 мм-ээс нимгэн  буюу 0.006-0,032 мм нимгэн 491 шуудай, 17,300 килограмм жинтэй 7 төрлийн нийлэг хальсан уутыг Монгол Улсын хилээр  хууль бусаар нэвтрүүлсэн гэм буруутайд тооцож 600 нэгжтэй тэнцэх хэмжээний буюу 600,000 /зургаан зуун мянга/ төгрөгийн торгох ялаар шийтгэв.

 Шүүхийн шийдвэрийг бүтнээр нь харах холбоос: https://shuukh.mn/single_case/84813?daterange=2023-01-01%20-%202023-03-09&id=1&court_cat=2&bb=1

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорлготой болно.

Тойм бэлтгэсэн: Дорноговь аймгийн Замын-Үүд сум дахь сум дундын шүүхийн шүүгч Д.Цэдэнпэлжээ

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Шийдвэрийг бүтнээр харах цахим холбоос: УЛСЫН ХИЛЭЭР ХУУЛЬ БУСААР ХОРИГЛОСОН БАРАА НЭВТРҮҮЛСЭН ХҮНД ЭРҮҮГИЙН ХАРИУЦЛАГА ХҮЛЭЭЛГЭВ