ЭРҮҮЛЖҮҮЛЭХ БАЙРАНД БУСДЫГ ЗОДОЖ БИЕД НЬ ХӨНГӨН ХОХИРОЛ УЧРУУЛСАН ЦАГДААГИЙН АЛБАН ХААГЧИД ЭРҮҮГИЙН ХАРИУЦЛАГА ХҮЛЭЭЛГЭВ

ЭРҮҮЛЖҮҮЛЭХ БАЙРАНД БУСДЫГ ЗОДОЖ БИЕД НЬ ХӨНГӨН ХОХИРОЛ УЧРУУЛСАН ЦАГДААГИЙН АЛБАН ХААГЧИД ЭРҮҮГИЙН ХАРИУЦЛАГА ХҮЛЭЭЛГЭВ

Шийтгэх тогтоолын огноо, дугаар: 2023.01.25-ны өдрийн 2023/ШЦТ/11

Шийдвэрийн төлөв: Хүчин төгөлдөр болсон

Тойм: 2023.03.01, шийдвэр №3,  

Прокуророос, цагдаагийн албан хаагчийг О-г албан үүргээ хэрэгжүүлэхдээ 2021.09.28-ны өдөр Эрүүлжүүлэх байранд иргэн Г-г хэрэг хүлээлгэх зорилгоор бие махбодь, сэтгэл санааг шаналган зовоож эрүү шүүлт тулгасан, уг гэмт хэргийг үйлдэх явцдаа Г-ийн биед хөнгөн гэмтэл учруулж, хүндрүүлэх нөхцөл байдалтайгаар, хүний эрүүл мэндэд хөнгөн хохирол санаатай учруулсан эрүүгийн хэргийг үйлдсэн гэж яллах дүгнэлт үйлдэн хэргийг шүүхэд шилжүүлжээ.

Эрүүгийн хуульд “Эрүү шүүлт тулгах” гэм хэргийг “Төрийн албан хаагч тайлбар, мэдүүлэг авах, хэрэг хүлээлгэх, ял шийтгэл оногдуулах, ялгаварлах зорилгоор өөрөө, эсхүл бусад этгээдийг хатгаж, зөвшөөрөл олгож, эсхүл бусад байдлаар тухайн үйлдлийг хийхийг зөвшөөрч байгаагаа илэрхийлж бусдын бие махбод, сэтгэл санааг шаналган зовоосон” гэж хуульчилсан.  

Шүүгдэгч О-г хэрэг хүлээлгэх зорилгоор хохирогч Г-ийн бие махбодь, сэтгэл санааг шаналган зовоосон буюу эрүү шүүлт тулгасан гэх үйлдэл холбогдол нь хэрэгт цугларсан нотлох баримтаар хангалттай нотлогдоогүй, Тодруулбал, хохирогч Г-ийн хэрэг хүлээлгэх зорилгоор үг хэлээр дарамталж зодсон гэх мэдүүлгийг давхар нотолсон баримт хэрэгт авагдаагүй, “Эрүү шүүлт тулгах” гэмт хэргийн сувьектив талын шинж хэргийн нөхцөл байдлаар тогтоогдоогүй байна. Харин хохирогч Г-г эрүүлжүүлэх явцдаа хүнлэг бус харьцаж хохирогчийн биед гэмтэл учруулсан нь тогтоогдож байна.

Шүүх шүүгдэгч Ж.О-г хэрэг хүлээлгэх зорилгоор хохирогчийн бие махбодь, сэтгэл санааг шаналган зовоож эрүү шүүлт тулгасан гэх үйлдэл хэрэгт цугларсан баримтаар нотлогдоогүй гэж үзэн холбогдох хэргийг хэрэгсэхгүй болгож шийдвэрлэн, харин шүүгдэгч О-г бусдын биед хөнгөн хохирол санаатай учруулсан гэм буруутайд тооцож 600,000 /зургаан зуун мянга/ төгрөгөөр торгох ялаар шийтгэв.

 Шүүхийн шийдвэрийг бүтнээр нь харах холбоос:

https://shuukh.mn/single_case/84813?daterange=2023-01-01%20-%202023-06-27&id=1&court_cat=2&bb=1

Давж заалдах шатны шүүхийн шийдвэрийг бүтнээр нь харах холбоос:

https://shuukh.mn/single_case/16784?daterange=2023-01-01%20-%202024-01-07&id=2&court_cat=2&bb=1

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Тойм бэлтгэсэн: Дорноговь аймгийн Замын-Үүд сум дахь сум дундын шүүхийн шүүгч Д.Цэдэнпэлжээ

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Шийдвэрийг бүтнээр харах цахим холбоос: https://shuukh.mn/single_case/84813?daterange=2023-01-01%20-%202023-06-27&id=1&court_cat=2&bb=1