Холбоо барих
» » "Шүүхийн захиргааны ажилтан бэлтгэх" сургалтад урьж байна.

"Шүүхийн захиргааны ажилтан бэлтгэх" сургалтад урьж байна.

24-08-2021, 09:42
Нийтэлсэн: courtzam
Үзсэн: 20
Сэтгэгдэл: 0
Мэдээг хэвлэх
"ШҮҮХИЙН ЗАХИРГААНЫ АЖИЛТАН БЭЛТГЭХ” СУРГАЛТАД УРЬЖ БАЙНА
Шүүхийн ерөнхий зөвлөлөөс "ШҮҮХИЙН ЗАХИРГААНЫ АЖИЛТАН БЭЛТГЭХ” сургалтыг 2021 оны 09 дүгээр сарын 06-ны өдрөөс 2021 оны 11 дүгээр сарын 05-ны өдрийг хүртэлх хугацаанд цахим болон танхим, дадлага ажлын хосолсон хэлбэрээр 6 дахь жилдээ зохион байгуулах гэж байна.
Сургалтыг хууль зүйн болон хэрэг хянан шийдвэрлэх ажиллагааны өндөр мэргэшилтэй шүүгч, шүүхийн захиргааны ажилтан, багш, судлаачид удирдан явуулах бөгөөд амжилттай төгсөгчдөд "Шүүхийн захиргааны мэргэшсэн ажилтан”-ы гэрчилгээ олгоно.
Тус сургалтад хамрагдсанаар хуульд заасан шаардлагын дагуу сонгон шалгаруулалтад оролцож тэнцсэн тохиолдолд шүүхийн захиргааны байгууллагад ажилд ороход давуу тал болно.
Сургалтын зорилго:
Шүүхийн захиргааны ажилтан бэлтгэх;
Хэрэг хянан шийдвэрлэх ажиллагаанд дэмжлэг үзүүлэх чиг үүргийг хэрэгжүүлэх суурь мэдлэг, чадварыг олгох.
Сургалтад оролцогчдод тавигдах шаардлага:
Эрх зүйч мэргэжлээр хууль зүйн их, дээд сургууль төгссөн байх;
Шүүхийн захиргааны байгууллагад тогтвор суурьшилтай ажиллах чин хүсэл эрмэлзэлтэй байх;
35 хүртэлх насны байх;
Хууль зүйн чиглэлээр ажиллаж байсан туршлагатай бол давуу тал болно.
Бүрдүүлэх материал:
Иргэний үнэмлэхийн хуулбар;
Сургууль төгссөн дипломын хуулбар;
500 хүртэл үгтэй суралцах хүсэл эрмэлзлээ илэрхийлсэн эссэ. /Эссэнд холбоо барих хаяг, утасны дугаарыг тусгаж гарын үсгээ зурсан байна./
Бүртгэл:
Сургалтад оролцох хүсэлтэй эрх зүйчдийг 2021 оны 08 дугаар сарын 24-ний өдрөөс 2021 оны 08 дугаар сарын 31-ний өдрийн 1700 цаг хүртэлх хугацаанд human_resourse@judcouncil.mn хаягаар хүлээн авч бүртгэнэ.
Сургалтад оролцогчдын тоо хязгаартай. Энэ удаагийн сургалтад нийт 30 эрх зүйч сонгон шалгаруулна.
Жич: Сургалттай холбоотой дэлгэрэнгүй мэдээллийг 99282989, 70008022 дугаарын утсаар холбогдож авна уу.
ШҮҮХИЙН ХҮНИЙ НӨӨЦИЙН ГАЗАР
Үнэлгээгээр: