Холбоо барих

НИЙТ ШҮҮГЧИЙН ЧУУЛГАНЫ ТОВЫГ ТОГТООВ

7-05-2021, 16:39
Нийтэлсэн: courtzam
Үзсэн: 15
Сэтгэгдэл: 0
Мэдээг хэвлэх

НИЙТ ШҮҮГЧИЙН ЧУУЛГАНЫ ТОВЫГ ТОГТООВ   

 

      Монгол Улсын шүүхийн тухай хууль /Шинэчилсэн найруулга/-ийн 20 дугаар зүйлийн 20.1-д "Бүх шатны шүүхийн шүүгчээс бүрдсэн хуралдаан /цаашид "Нийт шүүгчийн чуулган” гэх/-ыг хоёр жил тутам зохион байгуулна.”, 20.9-д "Нийт шүүгчийн чуулганыг Улсын дээд шүүхийн Зөвлөгөөнөөс сонгосон хоёр, нийслэлийн эрүү, иргэний болон захиргааны хэргийн давж заалдах шатны шүүхийн Зөвлөгөөн тус бүрээс сонгосон нэг, дүүргийн анхан шатны шүүхээс шүүгчээр хамгийн олон жил ажилласан хоёр шүүгч, Ерөнхий зөвлөл дотроосоо сонгосон хоёр гишүүнээс бүрдсэн ажлын хэсэг /цаашид "Ажлын хэсэг” гэх/ зохион байгуулна.”, Монгол Улсын шүүхийн тухай хууль /Шинэчилсэн найруулга/-ийг дагаж мөрдөх журмын тухай хуулийн 1 дүгээр зүйлд "Монгол Улсын шүүхийн тухай хууль /Шинэчилсэн найруулга/-ийн 20.9-д заасан ажлын хэсэг Нийт шүүгчийн чуулганыг уг хууль хүчин төгөлдөр болсон өдрөөс хойш 120 хоногийн дотор зохион байгуулж, Шүүхийн ерөнхий зөвлөл, Шүүхийн сахилгын хорооны шүүгч гишүүнийг сонгоно.” гэж тус тус заасан. 

       Үүний дагуу Нийт шүүгчийн чуулганыг 2021 оны 06 дугаар сарын 24-ний өдөр товлон хуралдуулахаар Ажлын хэсгийн хуралдаанаас шийдвэрлэж, тогтоол гаргав.  

       Шүүхийн ерөнхий зөвлөлийн болон Шүүхийн сахилгын хорооны шүүгч гишүүнд нэрээ дэвшүүлэхтэй холбоотой мэдээллийг ЭНД дарж, Нийт шүүгчийн чуулганаар хэлэлцэх дэг болон журмын төслийг уг чуулганы цахим хуудас (www.judges.shuukh.mn) руу нэвтэрч үзнэ үү. 

 

НИЙТ ШҮҮГЧИЙН ЧУУЛГАНЫГ
ЗОХИОН БАЙГУУЛАХ АЖЛЫН ХЭСЭГ

2021.05.07

Үнэлгээгээр: