Холбоо барих
» » Иргэдийн төлөөлөгч нарт гарын авлага хүргүүллээ

Иргэдийн төлөөлөгч нарт гарын авлага хүргүүллээ

18-05-2020, 09:19
Нийтэлсэн: courtzam
Үзсэн: 99
Сэтгэгдэл: 0
Мэдээг хэвлэх

Шүүхийн Ерөнхий зөвлөлийн 2019 оны 120 дугаар тогтоолоор тус шүүхэд 155 иргэн шүүхийн иргэдийн төлөөлөгчөөр сонгогдсон.

2020 оны 03 дугаар сард Дорноговь аймгийн Өргөн, Эрдэнэ, Улаанбадрах сум, 05 дугаар сард Дорноговь аймгийн Замын-Үүд сумаас сонгогдсон иргэдийн төлөөлөгчдөд Шүүхийн Иргэдийн төлөөлөгчийн эрх зүйн байдал, иргэдийн төлөөлөл шүүх хуралдаанд оролцохын учир, ач холбогдол, эдлэх эрх, хүлээх үүрэг хариуцлага, шүүх хуралдаанд хэрхэн оролцох талаарх мэдээлэл, танилцуулга, гарын авлага зэргийг бэлтгэн шүүхийн иргэдийн төлөөлөгч нарт оршин суугаа газрын сум, багийн Засаг дарга нараар дамжуулан 143 иргэнд хүргүүллээ.

Иргэдийн төлөөлөгч нарт гарын авлага хүргүүллээИргэдийн төлөөлөгч нарт гарын авлага хүргүүллээ
Иргэдийн төлөөлөгч нарт гарын авлага хүргүүллээ
Иргэдийн төлөөлөгч нарт гарын авлага хүргүүллээ

Дэлхийн улс орнуудад хурдацтай тархаж буйCOVID-19цар тахлаас урьдчилан сэргийлж улс даяараа хөл хорио тогтоосон байгаа өнөөгийн нөхцөл байдалтай уялдуулан Дорноговь аймгийн Замын-Үүд сумын засаг даргын тамгын газартай хамтран 14:00-16:00 цагт Замын-Үүд сумын төв талбайд байрлах ЛЕД дэлгэцээр дамжуулан шүүхийн тухай болон шүүхийн иргэдийн төлөөлөгчийн видео шторкуудыг нэвтрүүлэн ажиллаж байна.

Мөн Замын-Үүд сумаас сонгогдсон иргэдийн төлөөлөгчдийг 1 удаад 2-3 хүнийг хамруулах байдлаар 9 удаагийн сургалтыг шүүхийн байранд урьж шүүхийн Тамгын газрын дарга болон зохион байгуулалт хариуцсан мэргэжилтэн нар хүлээн авч уулзаж холбогдох гарын авлага, мэдээллээр хангаж ажиллаж байна. Үүнд одоогоор 26 иргэн хамрагдаад байна.

Мөн бүрэлдэхүүнтэй шүүх хуралдаанд оролцуулахаар томилогдсон шүүхийн иргэдийн төлөөлөгчдөд тухай бүр шүүгчийн туслахууд холбогдох мэдээллүүдийг өгч гарын авлага гардуулж зөвлөгөө өгч шүүх хуралдаанд оролцуулж байна.

 

Үнэлгээгээр: